शिमला मिरचीची भाजी (Green Capsicum)
महाराष्ट्रात याला “ढोबळी मिरची” म्हणून ही संबोधले जाते आणि याचा वापर रोजच्या स्वयंपाकात नियमितपणे केला जातो. शिमला मिर्च सबजी, भरवा मिर्च, आलू-शिमला, पकोडा, पुलाव, पराठे असे बरेच पदार्थ ही भाजी वापरून केले जातात. ही आमचीपारंपारिक रेसिपी आहे जी आम्ही घरी नियमितपणे तयार करतो. कधीकधी आम्ही ह्यामध्ये बारीक चिरलेला बटाटा घालतो.
Ingredients
- २५० ग्रॅम शिमला मिर्च / हिरवी शिमला मिरची बारीक चिरलेली
- १/२ टीस्पून मोहरी
- १/२ टीस्पून जिरे
- ५-६ पाने कढीपत्ता
- १ मध्यम कांदा बारीक चिरलेला
- ३-४ लसूण ठेचून घेतलेली
- १ हिरवी मिरची चिरून – मध्यम तिखट
- १ मोठा टोमॅटो बारीक चिरलेला
- १/२ टीस्पून हळद
- १ टीस्पून गरम मसाला
- १/२ टीस्पून धनिया पावडर
- १/२-१ टीस्पून लाल मिरची पावडर
- १ टेबलस्पून बारीक चिरलेली कोथिंबीर
- चवीनुसार मीठ
- १ १/२ टेबलस्पून तेल
- १-२ टेबलस्पून कोमट पाणी
- २ टेबलस्पून ताजा किसलेला नारळ
Instructions
- हिरवी सिमला मिरची किंवा शिमला मिर्च धुऊन, सुक्या कपड्याने पुसून घ्या. बारीक चिरून घ्या.
- नॉन-स्टिक पॅनमध्ये किवा टोपात तेल गरम करा. जिरे, मोहरी घाला. ते तडतडू द्या.
- कढीपत्ता घाला. ढवळा.
- ठेचलेला लसूण, चिरलेली हिरवी मिरची घाला. कच्चा वास निघेपर्यंत परतून घ्या.
- आता बारीक चिरलेला कांदा आणि मीठ घाला. कांदा लालसर होईपर्यंत भाजून घ्या.
- गरम मसाला, धने पावडर, तिखट, हळद घाला. मिसळा
- बारीक चिरलेला टोमॅटो घाला. झाकण ठेवून मंद आचेवर शिजू द्यावे. टोमॅटो मशी किवा नरम होईपर्यंत शिजवा.
- चिरलेली हिरवी सिमला मिरची घाला. मसाल्यामध्ये चांगले एकत्र करून घ्या.
- पॅनवर किवा टोपावर खोलगट प्लेट ठेवा. त्यावर थोडे १/४ कप पाणी घाला. आणि भाजी वाफेवर शिजू द्या.
- मध्ये-मध्ये भाजी तपासत रहा.जर भाजी टोपला लागतअसेक किवा एकदम सुखी वाटत असेल तर १ -२ टेबलस्पून कोमट पाणी घाला आणि मिक्स करा. पाणीअसलेली प्लेट परत टोपावर ठेवा.
- ८-१० मिनिटे मंद आचेवर शिजवा.
- शिमला मिर्च शिजल्यावर मऊ होईल. जास्त शिजवू नका.
- किसलेले खोबरे घाला. मिसळा. आणखी १ मिनिट शिजवा.
- चपाती, डाळ भात, रोटी, नान बरोबर गरमागरम सर्व्ह करा.
Notes
- भाजी शिजवताना मध्ये मध्ये चेक करत रहा. नाहीतर भाजी करपन्याची शक्यता असते.
- भाजीला शिजवताना पाणी लागत नाही पराण भाजी शिजताना त्याला त्याचेच पाणी सुटते आणि भाजी शिजते.
- ही भाजी वाफेवर शिजवली तर अधिक चांगली लागते.
- सिमला मिरची ही गावठी किवा कोवळी, लहान असेल तर भाजी अप्रतिम लागते.
- ओल्या खोबर्‍या ऐवजी भाजलेल्या शेंगदाण्याचा कूट घातला तरी चालतो.