वालाचे भिरडे | Lima Beans curry
“भिरडे” किवा “वालाचे भिरडे” किवा Lima Beans curry ही एक महाराष्ट्रियन साइड डिश आहे. ही वालाची उसळ किवा भाजी अतिशय चवदार लागते. लहान मोड किवा अंकुर आलेले वाल वापरले तर ह्या भजीची चव आणखीन वाढते. शिजण्यास ही खूप कमी वेळ लागतो.
Equipment
- १ कढई/नॉनस्टिक पॅन/मध्यम पातेले किवा टोप
Ingredients
- १ १/4 कप पावटा किंवा वाल (लीमा बीन्स) - (रात्रभर भिजवलेले, मोड काढून घेतलेले(अंकुरलेले)
- चवीनुसार मीठ
- १ ते २ कप कोमट पाणी
- १/२ टीस्पून चिंचेची पेस्ट – किंवा कोकमचे तुकडे - २
- साखर एक लहान चिमूटभर
फोडणीसाठी
- १/२ टीस्पून जिरे
- १/२ टीस्पून मोहरी
- १ मध्यम कांदा बारीक चिरलेला
- १/२ टीस्पून हिंग
- १/२ टीस्पून हल्दी पावडर
- १ टीस्पून लाल मिरची पावडर
- १ टीस्पून गरम मसाला किंवागोडा मसाला
- १/२ टीस्पून धने पावडर
- १/२ टीस्पून जिरे पावडर
- १ मध्यम टोमॅटो बारीक चिरलेला
- १ टेबलस्पून तेल
पेस्टसाठी -
- ३ ते ४ टेबलस्पून ताजे किसलेला नारळ
- १/४ कप कोथिंबीर पाने
- १ टीस्पून आल्याचे तुकडे
- ३ नग लसूण पाकळ्या – सोलून घेतलेल्या
Instructions
- लीमा बीन्स किंवा वाल किंवा पावटा रात्रभरपाण्यात भिजवून ठेवा किवा बाजारात सहज उपलब्ध असलेले अंकुरलेले आणि सोललेले वालवापरा.
- भिजवलेले वालओल्या कपड्यात १०-१२ तास मलमलच्या कापडात बांधून ते कुठेही टांगूनठेवा किवा एक चाळणीत ठेवून द्या. कपडा कोरडेपडल्यास थोडे पाणी शिंपडा. जेव्हा पावट्यांना लहान, पांढरे मोड(स्प्राउट्स) येतात तेव्हा ते तेव्हा ते खाण्यासाठी तयार असतात. सोलून त्याचा वापर करता येतो.
- बाहेरील साले काढून टाका आणि हे वाल आता कुठल्याही भाजी किवा उसळी मध्ये वापरता येतात. मोड जास्त लांब काढून नयेत नाहीतर वाल जास्त कडू होतात. भाज्यांना चांगली चव येत नाही.
- किसलेला नारळ,आले, लसूण, कोथिंबीर मिक्स करून बारीक पेस्ट करा. बाजूला ठेवा.
- कढईत तेल गरम करा.
- मोहरी आणि जिरे घाला. ते तडतडू द्या.
- बारीक चिरलेला कांदा घाला. पारदर्शक किवा गुलाबी होईपर्यंत शिजवा.
- त्यात हिंग,हळद, गरम मसाला किंवा गोडा मसाला, लाल तिखट, धने पाऊडर आणि जिरेपूड, मीठ, साखर घाला. मिसळा आणि १५ सेकंद शिजवा.
- बारीक चिरलेला टोमॅटो घाला. झाकण लावून मऊ होईपर्यंत शिजवा.
- टोमॅटो व्यवस्थित शिजल्यावर आधीच तयार केलेली नारळाची पेस्ट घाला. २-३ मिनिटे परतून घ्या.
- गरम पाणी घाला.ढवळा. वाल टाकून. हलक्या हाताने मिसळा.
- ताट ठेवून वाल १० ते १५ मिनिटे मंद आचेवर किंवा वाल मऊ होईपर्यंत शिजवून घ्या. जास्त शिजवू नका.वाल बोटात घेतल्यावर ते तुटले पाहिजेत. त्याची पिठी करू नये.
- चिंचेची पेस्ट घाला. हलक्या हाताने ढवळावे.
- जशी ग्रेवि हवी असेल त्याप्रमाणे पाणी कमी जास्त ठेवून भाजी किवा भिरडे तयार करा. गॅस बंद करा.
- चपाती किंवा भातासोबत गरमागरम सर्व्ह करा.
Notes
- वाल जास्त शिजवू नयेत. हाताच्या बोटांनी ते तोडून पहावेत. जर ते तुटत असतील आणि नरम झाले असतील तर ते शिजले समजावे.
- वाल कूकरला कधीही शिजवू नयेत.
- वालाची भाजी मोड न करता ही होते. त्यासाठी रात्रभर वाल भिजायला ठेवून सकाळी पाणी काढून टाकून त्याची साले काढवीत. साले काढताना थोडे पाणी ठेवावे.
- हिंगाचा वापर आवर्जून करावा.