बटाटा कापा |Fried Semolina-Potato Slices
ही मुळात गोवन(Goa) साइड डिश आहे ज्याला “बटाटा कापा” म्हणतात. डाळ-भात किंवा स्नॅक्सम्हणून कोणत्याही डिपसोबत याची चव छान लागते.पारंपरिक पद्धतीत लिंबाचा रस किवा कोथिंबीर वापरली जात नाही. मी ह्या रेसिपीत बटाटे काळे पडू नयेत आणि आंबटपणा आल्यामुळे ह्याची चव ही छान लागते म्हणून वापरले आहेत. कोथिंबीरीने ही चव छान लागते.हे दोन्ही घटक पर्यायी आहेत. तांदळाचे पीठ ही पर्यायी आहे.
Equipment
- १ नॉनस्टिक पॅन/लोखंडी तवा
Ingredients
- २ मोठे बटाटे - (गोल कापलेले)
- १/४ कप रवा
- १ टेबलस्पून तांदळाचे पीठ
- १ टीस्पून लाल तिखट तिखट आवडत असेल तर प्रमाण थोडे वाढवू शकतो.
- १ टीस्पून गरम मसाला
- १/२ टेबलस्पून लिंबाचा रस
- २ टेबलस्पून चिरलेली कोथिंबीर
- १/२ – ३/४ टीस्पून हळद पावडर
- चवीनुसार मीठ
- ४ ते ५ टेबलस्पून तळण्यासाठी तेल
Instructions
- बटाटे धुवा, सोलून घ्या आणि थोडे जाड काप (सुमारे १/४" जाड) करा.
- सर्व बटाटे कापून झाल्यावर त्यात मीठ, लिंबाचा रस, गरम मसाला, लाल तिखट आणि बारीक चिरलेली कोथिंबीर घाला. चांगले मिसळा.
- मॅरीनेशनसाठी ५-७ मिनिटे बाजूला ठेवा
- एका पॅनमध्ये थोडे तेल घाला आणि संपूर्णपृष्ठभागावर पसरवा. गॅस कमी-मध्यम करा.
- एका प्लेटमध्ये रवा पसरवा. बटाट्याचे तुकडे चांगल्या प्रकारे दोन्ही बाजूंनी कवर किवा कोट करून घ्या.
- हे बटाट्याचे तुकडे तेल गरम केलेल्या नॉनस्टिक पॅनवर हलक्या हाताने ठेवा आणि एक बाजू तपकिरी होईपर्यंत तळू द्या. ताटाने किवा प्लेट ने त्याला झाकून ठेवले तरी चालेल. साधारणत: एक बाजू भाजायला ७ ते ९ मिनिटे वेळ जातो. भाजने हे तुम्ही केलेल्या कापाच्या साइज वर ही अवलंबून असते. काही वेळा बटाटे लवकर शिजतात किवा ते शिजताना बराच वेळ देखील घेतात.
- बटाट्याचे काप उलटा. आवश्यक असल्यास पॅनमध्ये तेलाचे काही थेंब टाका.
- दुसरी बाजू तपकिरी आणि कुरकुरीत होईपर्यंत तळा.
- सर्व बटाट्याचे तुकडे कुरकुरीत होईपर्यंत भाजून घ्या.
- गरम सर्व्ह करा. हे डाळ-भात बरोबर अतिशय चवदार लागतात.
Notes
-
- बटाटे जास्त पातळ कापून घेऊ नयेत.
- व्यवसतिथ धूऊन घेतले तर साले काढण्याची गरज भासत नाही. साले काढून घेणे हे पर्यायी आहे.
- भाजायला वेळ लागणार असेल तर लिंबाच्या रसाचा वापर करावा.
- लिंबाचा रस किवा कोथिंबीर पर्यायी आहेत.
- रवा बारीक वापरावा. जाड रवा असेल तर बारीक करून घ्यावा.
- तिखट आवडत असेल तर प्रमाण थोडे वाढवू शकतो.