फुलकोबी मसाला पुरी(Cauliflower)
या रेसिपीमध्ये मी गव्हाचे पीठ, फ्लॉवर प्युरी आणि ठेचलेले जिरे, ओवा वापरला आहे. या पुरी छान लागतात आणि कोणत्याही करी किंवा अगदी गरमचहासोबतही छान लागतात.
Ingredients
- १ १/२ कप गव्हाचे पीठ
- ३/४-१ कप फुलकोबी प्युरी
- १/२ टीस्पून कुस्करलेला जीरा
- १/२ टीस्पून जाडसर वाटलेला ओवा
- १ टेबलस्पून हिरवी मिरची जाडसर वाटून घेतलेली
- १ टेबलस्पून घट्ट दही
- चवीनुसार मीठ
- १ टेबलस्पून+ २ कप तेल - पोळपाटाला लावण्यासाठी + तळण्यासाठी
- गरज असेल तरच पाणी.
Instructions
- फुलकोबीच्या पाकळ्या काढून धूऊन, ब्लांच करून घ्या. आणि आणि मिक्सरला लावून त्याची प्यूरी बनवून घ्या. त्यात तोडून मिरच्या ही घाला किवा त्या वेगळ्या वाटून घ्या.
- एका भांड्यात गव्हाचे पीठ, मीठ, तेल, ठेचलेले जिरे, ओवा, बारीक वाटून घेतलेली हिरवी मिरची, दही घ्या. चांगले मिसळून घ्या.
- हळूहळू फुलकोबीची प्युरी घाला आणि घट्ट पीठ मळून घ्या. झाकण ठेवून २०-३० मिनिटे बाजूला ठेवा.
- कढईत तेल गरम करा. पिठाचा छोटासा भाग घेऊन त्याचा गोळा बनवा.
- पोळपाट थोड्या तेलाने ग्रीस करा. एक गोळा ठेवा आणि सर्व बाजूंनी समान रीतीने रोल करा किवा लाटून घ्या. पुरी थोडी जाडसर असावी.
- एका कढईत तेल गरम करून घ्या
- लाटून ठेवलेल्या पुर्‍या एक किवा दोन करून तेलात सोडा.
- पुरी मध्यम मंद आचेवर सर्व बाजूंनी सोनेरी तपकिरी होईपर्यंत तळा.
- बटाटा करी किंवा भाजी किंवा छोले सोबत गरमागरम सर्व्ह करा.
Notes
- पुरी साठी पीठ नेहमी घट्ट असावे. पुरी लाटण्यासाठी तेल वापरा.
- आवश्यक असल्यासच पीठ मळताना त्यात पाणी घाला.
- फुलकोबीच्या पाकळ्याची एकदम बारीक पेस्ट किवा प्युरी करून घ्यावी. जाड असल्यास पुर्‍या फुलणार नाहीत.