डाळ पालक सूप
डाळ पालक सूप हे अतिशय आरोग्यदायी आणि पोषक असे सूप आहे. लहान मुलांनाही खूप आवडते. पालक अत्यंत पौष्टिक भाज्या मध्ये येते आणि अनेक प्रकारात वापरता येतात, जगभर उपलब्ध असून आणि मोठ्या प्रमाणावर वापरले जातात. ते रक्तदाब कमी करण्यात मदत करते, हाडांचे आरोग्य सुधारण्यास मदत करते. दमा होण्याचा धोका कमी करते , गर्भवती स्त्रीयांसाठी खूपच लाभदायी आहे.
Equipment
- १ प्रेशर कूकर
Ingredients
- ३ टेबलस्पून तूर डाळ
- ३ टेबलस्पून मूग डाळ
- १ १/२ कप पालक चिरून
- १ टीस्पून जिरे
- १ टीस्पून काळी मिरी
- १/४ इंच (तुकडे) दालचिनी
- १/२ मध्यम बारीक चिरलेला कांदा
- २-३ बारीक चिरलेल्या लसूण पाकळ्या
- १ १/२ टीस्पून किसलेले आले -
- १ हिरवी मिरची - बारीक चिरून
- १ लहान टोमॅटो -
- २ टेबलस्पून बारीक चिरलेली कोथिंबीर
- १/२ टीस्पून सुकवलेला आंबा किंवा चिंचेचा कोळ
- चवीनुसार मीठ
- २-३ कप पाणी
- १ टीस्पून तूप/तेल/बटर
- सर्व्ह करण्यासाठी - ब्रेड क्रॉउटन्स किंवा टोस्ट आणि क्रीम, ताज्या क्रीमचा डॉलॉप.
Instructions
- प्रेशर कुकरमध्ये तेल, तूप किवा बटर गरम करा. जिरे घाला. ते तडतडू द्या.
- दालचिनीचे तुकडे, काळी मिरी घाला. काही सेकंद ढवळा.
- बारीक चिरलेला कांदा घाला. थोडा लालसर होईपर्यंत शिजवा.
- हिरवी मिरची, लसूण, किसलेले आले घालून कच्चा वास जाईपर्यंत शिजवा
- टोमॅटो, चिंचेचा कोळ, कोथिंबीर, चिरलेली पालक पाने, मीठ घाला. १ मिनिट ढवळा.
- धुतलेली डाळ आणि २-३ कप पाणी घालून कुकरचे झाकण बंद करा. मध्यम आचेवर ३-४ शिट्ट्या शिजवा.
- गॅस बंद करा. कुकरमधीलप्रेशर नैसर्गिकरित्या खाली येऊ द्या.
- मिश्रणथंड झाल्यावर ब्लेंडरला लावून बारीक आणि पातळ प्युरी बनवा. हे सूप चाळणीतून चाळून घ्या.
- राहिलेला गाळ टाकून द्या. सूप आपल्या आवडीनुसार घट्ट किवा पातळ करण्यासाठी सॉसपॅनमध्ये पाणी घालून ही प्युरी टाकून पुन्हा गरम करा. किंचित पातळ असावे.
- ब्रेड क्रॉउटन्स, ताज्या क्रीमच्या डॉलपने सजवा.
- गरम सर्व्ह करा.
Notes
- कमी किंवा जास्त पाणी घालून तुमच्या आवडीनुसार सूपची कनसिसस्टंसी अॅडजस्ट करा.