झुणका
“झुणका” ही महाराष्ट्रची पारंपरिक डिश आहे. झुणका-भाकरी हे घराघरात बनवले आणि खाल्ले जाते. झुणका भाकरी मग ती कोणती ही असो त्याबरोबर अतिशय उत्तम लागतो.झुणका ही एक पटकन होणारी डिश आहे. ह्यात बेसन ज्याला चण्याच्या डाळीचे पीठ असे ही म्हटले जाते आणि कांदा हे प्रमुख घटक असतात.मी ह्यात हिरव्या मिरचीचा वापर केला आहे. त्या ऐवजी लाल मसाला वापरला तरी चालतो. परंतु लाल मसाल्यामुळे झुणक्याचा रंग बदलतो. मी कोथिंबीर कमी वापरली आहे, आपण आपल्या आवडी प्रमाणे तिचे प्रमाण कमी जास्त करू शकता.
Equipment
- १ कढई/पॅन
Ingredients
- १/४ कप बेसन किवा चण्याच्याडाळीचे पीठ
- १/२ कप कांदा बारीक चिरून
- १ १/२ टेबलस्पून तेल
- १/२ टिस्पून जिरे
- १/२ टिस्पून मोहरीचे दाणे
- ५ ते ६ कढीपत्ता पाने
- १/२ टिस्पून हळद पावडर
- १/४ टिस्पून हिंग
- १/२ टिस्पून गरम मसाला
- १ टेबलस्पून कोथिंबीर बारीक कापून घेतलेली (पर्यायी)
- चवीनुसार मीठ
- १/४ कप व २ टेबलस्पून पाणी (जास्त सुके नको असेल तर आणखीन १/४ कप पाणी घालावे. )
हिरवा मसाला
- ४ ते ५ लसूण पाकळ्या सोललेली
- १ १/२ टिस्पून अद्रक किवा आले कापून घेतलेले
- १ ते २ हिरवी मिरची तिखट
Instructions
- प्रथम कढईत तेल गरम करून घ्यावे.
- त्यात जिरे मोहरी घालून त्यांना तडतडू द्यावे.नंतर त्यात कडीपत्ता पाने घालून परतून घ्यावे.
- कांदा घालून तो लालसर गुलाबी होईपर्यंत परतून घ्यावा.हिरवी मिरची, आले आणि लसूण जाडसर वाटून घ्यावे.
- ही हिरवी पेस्ट कढईत टाकावी आणि कच्चा वास जाईपर्यंत परतून घ्यावे.
- गरम मसाला टाकावा आणि परतून घ्यावा. आच मंद असावी.
- कोथिंबीर टाकावी आणि परतून घ्यावा.
- बेसन टाकावे आणि गॅसची आच कमी करून व्यवसतिथ एकजीव करून सारखे परतून 5 -8 मिनिटे भाजून घावे.बेसन भाजले की एक विशीष्ट असा सुगंध येऊ लागतो.
- नंतर त्यात पाणी हळू हळू घालावे आणि बेसन परतत राहावे. आंच कमीच ठेवावी.
- मी ह्यात १/४ कप आणि २ टेबलस्पून पाणी वापरले आहे.
- झुणका करत असताना भांड्याला लागण्याची शक्यता असते. म्हणून तो सारखा परतत जर झुणका जास्त सुका वाटत असेल तर आणखीन २ ते ३ टेबलस्पून पाणी घालून आपल्याला जसा सुका किवा थोडा ओला झुणका हवा असेल तसा करावा.
- गरम गरम झुणका भाकरी किवा चपाती बरोबर सेर्व करावा.
Notes
- हिरव्या मिरची ऐवजी लाल मसाला वापरला तरी चालतो. परंतु लाल मसाल्यामुळे झुणक्याचा रंग बदलतो.
- झुणका सुक्का असेल तर तो खूप दिवस चांगला राहतो.
- जर झुणका जास्त सुका वाटत असेल तर आणखीन २ ते ३ टेबलस्पून पाणी घालून आपल्याला जसा सुका किवा थोडा ओला झुणका हवा असेल तसा करावा.
- बेसन कांद्यामध्ये व्यवसतिथ भाजून घ्यावे नाहीतर ते पचायला जड जाते आणि त्याची चवही चांगली लागत नाही.