झटपट कोबीचे थालीपीठ
कोबी, वेगळ्या प्रकारचे पीठ आणि मसाल्यांच्या मिश्रणासह अगदी पटकन होणारे आणि पौष्टिक असे “झटपट कोबीचे थालीपीठ” बनवलेले आहे. ओट्स च्या पिठाचा वापर देखील केलेला आहे. लोणच्याबरोबर अतिशय चविष्ट लागते.थालीपीठ गरम-गरमच चांगले लागते. थालीपीठ जास्त करू नये. पीठ उरल्यास ते हवाबंद डब्यात भरून फ्रीज मध्ये ठेवावे. १ ते २ दिवस चांगले राहते. पाहिजे असतील तेव्हा थालीपीठ करून खावे.
Equipment
- १ तवा/नॉनस्टिक पॅन
Ingredients
- ३/४ -१ कप कोबी - (मिक्सर मधून काढून घेतलेलापेस्ट .फक्त एकदाच लावून घ्यावा. पेस्ट नको.)
- १/२ कप ओट्स फ्लोअर - (ओट्स मिक्सरला लावून पीठ करून घ्या.)
- १/२ कप ज्वारी पीठ
- १/२ कप बाजरी पीठ
- १/४ कप बेसन
- १/२ कप गव्हाचे पीठ
- १ टेबलस्पून लिंबाचा रस
- १ १/२ टीस्पून लाल तिखट
- १/२ टीस्पून हळद
- १/२ मध्यम कांदा - बारीक चिरून
- चवीनुसार मीठ
- तूप / तेल- १/२ टेबलस्पून पीठ मळण्यासाठी + ३ टेबलस्पून थालीपीठ भाजण्यासाठी
- आवश्यक पाणी पीठ मळण्यासाठी
हिरवी पेस्ट
- ३-४ मध्यम हिरव्या मिरच्या
- ५-६ लसूण पाकळ्या
- १/२ कप कोथिंबीर पाने
- १/२ टेबलस्पून किसलेले आले
सर्व्हिंग - लोणचे , चटणी किंवा कोणतेही डीप
Instructions
- लसूण, हिरव्या मिरच्या, किसलेले आले, कोथिंबीर मिक्सरला जाडसर वाटून घ्या.
- कोबी धुवून फूड प्रोसेसरच्या सहाय्याने किंवा मिक्सर वापरुन बारीक करून घ्या. पेस्ट बनवू नका.
- मोठ्या खोल वाडग्यात गव्हाचे पीठ, ज्वारीचे पीठ, बाजरी पीठ, ओट्स पीठ, बेसन, मीठ, तयार हिरवी पेस्ट, तेल, लिंबाचा रस, लाल तिखट, हळद, बारीक चिरलेला कांदा घालावा. चांगले मिक्स करावे
- जाडसर वाटलेला कोबी घाला. चांगले मिक्स करावे.
- थोडे थोडे पाणी घालून मळून घ्या. झाकण ठेवून १० मिनिटे ठेवा
- कणिक १०-१२ समान भागांमध्ये विभागणे. त्याचे गोळे बनवून घ्या.
- मलमल च्या कपड्यावर किंवा प्लास्टिक रॅप ने रोलिंग बोर्ड कव्हर करा.
- कणकेचा गोळा घ्या आणि बोटाच्या सहाय्याने सगळ्या बाजूनी सामान दाबून घ्या. ४-५-इंच व्यासाचे पोळी सारखा आकार द्या. आवश्यक असल्यास रोलिंगच्या दरम्यान थोडे तेल वापरा.
- बोटाच्या सहाय्याने मध्यभागी एक छिद्र करा. यामुळे थालीपीठ सामान आणि सगळ्या बाजूनी भाजण्यास मदत होते.
- नॉनस्टीक तवा किंवा तव्यावर थालीपीठ ठेवा. वर बुडबुडे होईस्तोवर शिजू द्यावे. आच मध्यम ठेवा
- परतून घ्या आणि काही सेकंद शिजवा. थोड तूप घालावे
- पुन्हा परता आणि दुसऱ्या बाजूने भाजून घ्या. दोन्ही बाजूनी हलका ब्राऊन टिपके दिसून येईपर्यंत शिजवा. मध्ये मध्ये थोडे दाबत रहा. जेणेकरून थालीपीठ व्यवस्तिथ भाजले जाईल आणि थोडेसे क्रिस्पी देखील होईल.
- ताटात काढुन गरम गरमच लोणी, लोणच्याबरोबर किंवा चटणी सर्व्ह करा.
Notes
- थालीपीठ कमी मध्यम आचेवर भाजा.
- थापताना मलमलच्या कपड्याचा किवा प्लॅस्टिक रॅपचा चा वापर करा.
- थोडे थोडे पाणी घालून मळून घ्या. कोबी मध्ये पाण्याचे प्रमाण असते त्यामुळे पाणी कमीच वापरुन घट्ट पीठ मळून घ्या. थोड्या वेळाने ते नरम होते.
- पीठ जास्तच नरम वाटत असेल तर पीठ वापरुन परत मळून घ्या.
- थालीपीठ गरम-गरमच चांगले लागते. थालीपीठ जास्त करू नये. पीठ उरल्यास ते हवाबंद डब्यात भरून फ्रीज मध्ये ठेवावे. १ ते २ दिवस चांगले राहते. पाहिजे असतील तेव्हा थालीपीठ करून खावे.
- तुपामध्ये भाजल्यास थालीपीठाची चव आणखीन वाढते.