घोसाळ्याची भाजी | Sponge Gourd Curry(Subji)
घोसाळ्याची भाजी ही अतिशय पोषक आणि आरोग्यदायी आहे. ह्याला विविध नावांनी ओळखले जाते जसे की घोसाळे, गिलका, स्पोंज गौर्ड, तुरई, तौरी ई. ही भाजी करण्याच्या विविध पद्धती आहेत. बहुतांशी ही भाजी म्हटले की बर्याच जणांची नाके मुरडतात. दोडका आणि घोसाळे ह्या भाज्या म्हणजेअगदी भाऊ-बहीण म्हटले तरी वावगे ठरणार नाही. ह्या दोन्ही भाज्या अगदी सगळ्यांच्या नावडतीच्या.
Equipment
- १ कढई/नॉनस्टिक पॅन
Ingredients
- ४०० ग्राम्स घोसाळे
- ३/४ कप बटाटा – किवा १ मध्यम (सोलून, बारीक तुकडे करून घेतलेला)
- ३/४ – १ कप बारीक चिरून कांदा
- १ कप टोमॅटो - बारीक चिरून घेतलेला किवा ३ मध्यम
- ५-६ लसूण पाकळ्या सोललेली - बारीक ठेचून घेतलेले किवा पेस्ट
- १ १/२ टिस्पून अद्रक किवा आले – ठेचून घेतलेले.
- १ १/२ टेबलस्पून तेल
- १/२ टिस्पून जिरे
- १/२ टिस्पून मोहरीचे दाणे
- ७-८ कढीपत्ता पाने
- १/२ टिस्पून हळद पावडर
- १/४ टिस्पून हिंग
- १ १/२ टिस्पून लाल मसाला (आपल्या अवडिनुसार कमी जास्त करावे.)
- १ टिस्पून गरम मसाला
- २ १/२ टेबलस्पून ताजा किसलेला नारळ कमी पाहिजे असेल तर करू शकता.
- २ १/२ टेबलस्पून बारीक चिरलेली कोथिंबीर पाने
- चवीनुसार मीठ
Instructions
- पहिल्यांदा घोसाळी चमच्याने किवा सूरीने अलगद अगदी वर-वर सोलून घ्या. जास्त सोलण्याची गरज नाही.अगदी कोवळी असतील तर नाही सोलली तरी चालतात.
- ती धूऊन, त्याचे देठ काढून टाकून त्याचे तुकडे करून घ्या.
- नॉनस्टीक पॅनमध्ये तेल गरम करा. जिरे आणि मोहरी घाला. त्याला तडतडू द्या.
- कढीपत्त्याची पाने आणि लसूण-आल्याची पेस्ट घाला. कच्चा वास दूर होईपर्यंत तेलात परतून घ्या.
- बारीक चिरलेला कांदा घाला आणि पारदर्शक किवा गुलाबी होईपर्यंत परतून घ्या.
- हळद, हिंग, लाल मसाला, मीठ आणि कापलेली कोथिंबीर घाला. काही सेकंद ढवळा.
- चिरलेला टोमॅटो घालून एकजीव करून घ्या. वर ताट ठेवून टोमॅटो लगदा होईपर्यंत शिजवून घ्या.
- ताट काढून कापलेली घोसाळी आणि बटाटे त्यात घाला आणि मसाल्यात व्यवस्थित कोट करून घ्या.
- खोलगटताट पॅन किवा कढई वर ठेवून त्यावर पाणी घालून भाजी १०-१२ मिनिटे शिजवून घ्या.मध्ये मध्ये झाकण हळुवारपने काढून भाजी परतत रहा. गॅसची आच मंद ठेवा.
- भाजीत पाणी टाकण्याची गरज भासत नाही कारण घोसाळयत नैसर्गिक पाणी असते त्यामध्येच भाजी चांगली शिजते.
- नंतर ताट काढून भाजीत गरम मसाला आणि किसलेले खोबरे आणि राहिलेली कोथिंबीर घालून परतून घ्या.
- परत खोलगट ताट ठेवून त्यावर पाणी ठेवून अजून २-४ मिनिटे भाजी शिजवून घ्या.
- गावठी आणिलहान घोसाळी असतील तर शिजायला कमी वेळ लागतो. भाजी जास्त शिजवून लगदा करू नये नाहीतर त्याची चव चांगली लागत नाही.
- गरम-गरम भाजी चपाती किंवा रोटी किंवा डाळ-भाता बरोबर सर्व्हकरा.
Notes
- घोसाळी लहान आणि कोवळी असतील तर भाजी चवदार बनते.
- गावठी आणि लहान घोसाळी असतील तर शिजायला कमी वेळ लागतो.
- भाजी जास्त शिजवून लगदा करू नये नाही तर त्याची चव चांगली लागत नाही.
- भाजीत पाणी टाकण्याची गरज भासत नाही कारण घोसाळयत नैसर्गिक पाणी असते त्यामध्येच भाजी चांगली शिजते.