केळ्याची गोड पुरी
मी "केळ्याची गोड पुरी"रेसिपी मध्ये जास्त पिकलेली केळी वापरलेली आहेत. पीठ मळण्यासाठी पाणी अजिबातलागलेले नाही. जास्त पिकलेली केळी आपण खूपदा फेकून देतो त्या ऐवजी त्याचा वापरह्या रेसिपीमध्ये करू शकतो. केक, पॅनकेक, अप्पे असे बरेचसे पदार्थ पिकलेल्याकेळ्यांनपासून बनविता येतात. खूपच सोपी आणि स्वादिष्ट अशी रेसिपी मुलांना खूपचआवडते. चहा, कॉफी बरोबर ह्या पुऱ्या खूप टेस्टीलागतात.
Equipment
- १ कढई
Ingredients
- १ १/२ कप गहू पीठ
- 2 मध्यम केळी लगदा केलेली - सोललेले, मॅश किंवा लगदा केलेले
- १ १/२ टेबलस्पून किसलेला गूळ
- १/४ टीस्पून जायफळ पावडर
- १/२ टीस्पून वेलची पूड
- १/४ टीस्पून मीठ
- १/२ टेबलस्पून + २ कप तेल - टेबलस्पून पीठ मळण्यासाठी + तळण्यासाठी
- 2-3 टेबलस्पून पाणी - पीठ मळण्यासाठी किंवा लागेल तसे वापरावे
Instructions
- एका वाडग्यात गव्हाचे पीठ, मीठ, तेल, जायफळ आणि वेलचीपूड, किसलेले गूळ, केळ्याचा लगदा घ्या. मिश्रण एकदम व्यवस्थित एकत्र होईपर्यंत मिसळा.
- आवश्यक असल्यासच पाणी घाला आणि घट्ट पीठ मळून घ्या.
- झाकण घालून 20-30 मिनिटे ठेवा.
- कढईत तेल गरम करावे.
- पुन्हा पीठ थोडे मळून घ्या. थोडेसे पीठ काढा आणि बॉल करा. रोलिंग बोर्डला थोडे तेल लावून घ्या
- एक पिठाचा छोटा गोळा ठेवा आणि सर्व बाजूंनी समान रीतीने रोल किंवा लाटून घ्या. पुरी थोडी जाड असावी.
- पुरी मध्यम कमी आचेवर सर्व बाजूनी गोल्डन ब्राऊन आणि फुगे पर्यंत तळून घ्या.
- चहा किंवा कोणत्याही कढीसोबत किंवा भाजी सोबत गरमागरम सर्व्ह करा.
Notes
- पुरी साठी पीठ घट्ट मळावे.
- पाणी लागले तरच पीठ मळण्यासाठी वापरावे.
- जास्त पिकलेली केली वापरली तरी चालतील. पाणी शक्यतो लागणार नाही.