कसुरी मेथी लच्छा मटरी
"मटरी" हा एक नाश्त्याचा पदार्थ असून तो उत्तरभारत आणि राजस्थान मध्ये फार मोठ्या प्रमाणात खाल्ला जातो. तो वेगववेगळ्या प्रकारेआणि वेगवेगळे मसाले घालून बनवता येतो. कसुरी मेथी लच्छा मटरी ही एक फ्युजन रेसिपी आहे. ह्या रेसिपीतमी कसुरी मेथी, ओवा, घालून लच्छा किंवा लेअर काढून लच्छा मटरीज बनवलेल्या आहेत. खुपच कुरकुरीत आणिअतिशय स्वादिष्ट असा हा स्नॅक खूप कमी वेळात बनतो. हवाबंद बरणीत ठेवले तर२-३ आठवडे टिकते.
Equipment
- १ कढई
Ingredients
- ३ कप किंवा ५०० ग्राम्स मैदा
- १/२ कप रवा
- ३ टेबलस्पून कसुरी मेथी (थोडी कुस्करून घेतलेली)
- १ टेबलस्पून ओवा जाडसर वाटलेला
- २ टेबलस्पून साखर
- १ १/२ टीस्पून काळी मिरी पावडर
- मीठ -चवीनुसार
- ३ कप तेल तळण्यासाठी
- ५ टेबलस्पून गरम तूप मोहनासाठी
- पाणी पीठ मळण्यासाठी जसे लागेल तसे
साटा किंवा लच्छा लेअर साठी
- १/२ - १ टेबलस्पून तूप
- ३-४ टेबलस्पून मैदा
Instructions
- एका छोट्या वाडग्यात मैदा घ्यावा. थोडे थोडेकरून तूप टाकून मिश्रण चांगले एकजीव करून घ्यावे. तूप एकदम टाकू नये. बाजूला ठेवावे. (साटा किंवा लच्छा लेअर साठी )
- एका पराती मध्ये मैदा, रवा, साखर, कुस्करलेली कसुरी मेथी, जाडसर वाटलेला ओवा, मीठ आणि काळीमिरी पावडर घालून मिक्स करावे.
- पिठाच्या मधोमध होल करून त्यात गरम तुपाचे मोहन टाकावे .
- चमच्याने चांगले मिक्स करून घ्यावे .
- थोडे थंड झाल्यावर हळू हळू दोन्ही हातानी पीठ चांगले कुस्करून घ्यावे.
- त्यात थोडे थोडे पाणी घालून पीठ मळून घ्यावे. पीठ जाडसरअसावे.
- मळलेल्या पिठाचे मध्यम आकाराचे समान गोळे बनवून घ्यावेत.
- बनवलेल्या गोळ्याची एक एक करून समान आकाराची पोळी लाटून घ्यावी. पीठ जाडसर असल्यामुळे सुख्या पिठाची गरज लागत नाही
- ३ पोळ्या लाटून झाल्यावर एक पोळपाटावर ठेवावी. त्यावर बनवलेले मैदा - तूप मिश्रण व्यवस्तिथ एकसारखे १/२ इंच जागा ठेवून पसरवून घ्यावे.
- दुसरी पोळी त्यावर ठेवावी. मैदा - तूप मिश्रण पसरवावे. अशी कृती तिन्ही पोळ्याना करावी.
- झाल्यावर एका बाजूने व्यवस्तीत घट्ट रोल करण्यास सुरवात करावी. रोल करून झाल्यावर जर जास्त जाडा असेल तर अगदी थोडे दोन्ही बाजूनी तळहाताचा वापर करून रोल करावे किंवा ताणून घ्यावे. कडा हळुवार पने बंद कराव्यात.
- धागा किंवा सूरीने समान १/४ -१/२ इंच कापूनघ्यावेत.
- एका ताटात काढून घ्यावेत. एक कापलेला भाग किंवा लाटी पोळपाटावर घेऊन लाटणीने अगदी हळू थोडी २ इंच लाटून घ्यावी.
- असा प्रकारे सगळ्या मटरीज करून घ्याव्यात.
- एका कदाचीत तेल गरम करून कमी मध्यम आचेवर सोनेरी आणि कुरकुरीत होईपर्यंत तळुन घ्याव्यात.
- आच शक्यतो मंदच ठेवावी. नाहीतर मटरीज करपण्याची शक्यता असते. अगदी नाजूक हातानी तळुन घ्यावीत.
- किचेन टॉवेल वर काढून थंड झाल्यावर हवाबंद बरणीत भरून ठेवाव्यात.
- चहा बरोबर सर्व्हे कराव्यात
Notes
- एका वेळेला जास्त मठरीच तळू नयेत नाहीतर त्या तुटण्याची शक्यता असते.
- हवाबंद बरणीत ठेवले तर २-३ आठवडे टिकते.
- आच शक्यतो मंदच ठेवावी. नाहीतर मटरीज करपण्याची शक्यता असते. अगदी नाजूक हातानी तळुन घ्यावीत.