उकडलेल्या अंड्यांची भाजी
"उकडलेल्या अंड्यांची भाजी" हि एक महाराष्ट्रियन साइड डिश आहे. घराघरात तोंडी लावण्यासाठी किवा टिफिन साठी बनवली जाते. लहान मुलांना हि भाजी फार आवडते. अंडी हा एक सकस आणि पौष्टिक आहार म्हणून आजही प्रचलित आहे. अंड्यात लोह, प्रथिने, विटामीन ए, ड, ब, ई आणि कोलीन हे मोठ्या प्रमाणावर असते त्यामुळे डॉक्टर देखील अंड्याचा आपल्या आहारात समावेश करण्याचा सल्ला हमखास देतात.
Equipment
- १ कढई/नॉनस्टिक पॅन
Ingredients
- ४ उकडलेली अंडी सोलून, कापून घेतलेली.
- ३/४ कप कांदा बारीक कापून घेतलेला
- १ कप टोमॅटो बारीक चिरलेला
- १/४ कप कोथिंबीर बारीक चिरलेली , चवीनुसार कमी ही घालू शकता.
- ३/४ टेबलस्पून लसूण सोलून बारीक चिरून घेतलेला किवा जाडसर वाटून घेतलेला.
- २ हिरव्या मिरच्या मध्ये कापून मध्यम तुकडे करूनघेतलेल्या
- १/२ टिस्पून राई
- ३/४ टिस्पून जिरे
- १/२ टिस्पून हळद
- १ टिस्पून गरम मसाला
- १ टिस्पून लाल मसाला चवीनुसार कमी जास्त करणे.
- १ १/२ टेबलस्पून तेल
- मीठ चवीनुसार
Instructions
- अंडी व्यवसतिथ उकडून घ्यावीत. सोलून घ्यावीत आणि त्याचे दोन भाग कापून पिवळा भाग वेगळा करावा.
- सफेद भागाचे छोटे टुकडे कापून ते वेगळे ठेवावेत आणि पिवळ्या भागाचेही ही ४ ते ५ तुकडे कापून बाजूला ठेवावेत.
- नॉनस्टीक पॅनमध्ये तेल गरम करा. जिरे आणि मोहरी घाला. त्याला तडतडू द्या.
- बारीक चिरलेला कांदा, चिरलेल्या हिरव्या मिरच्या आणि कापून घेतलेल्या लसणीच्या पाकळ्या घाला.
- कच्चा वास दूर होईपर्यंत आणि कांदा पारदर्शक किवा लालसर गुलाबी होईपर्यंत परतून घ्या.
- हळद, लाल मसाला घालावे.काही सेकंद ढवळा.
- नंतर चिरलेला टोमॅटो घालावा आणि परतून घ्यावा. त्यात चिरलेली कोथिंबीर टाकून परतून घ्या
- पॅन वर ताट ठेवून टोमॅटो चांगला मैश होईपर्यंत शिजवून घ्या.
- नंतर त्यात गरम मसालाआणि कापलेल्या सफेद अंड्याचा भाग टाकून हळू-हळू परतून घ्या.
- ताट ठेवून १ -२ मिनिटे शिजवून घ्या.
- सगळ्यात शेवटी पिवळाभाग टाकून परतून घ्या. ढवळताना सावकाश ढवळा.
- गॅसची आच बंद करून गरमा-गरम पोळी, डाळ किवा करी-भात बरोबर सर्व करा.
Notes
- अंडी व्यवयासतिथ उकडून घ्यावीत.
- तिखट आपल्या आवडीनुसार कमी जास्त करावे.
- अंडी सोलून कापून घ्यावीत. पांढरा भाग आणि पिवळा भाग वेगळा करून कापावा.
- शिजवताना आधी पांढरा भाग घालून भाजी ढवळून शिकवून घ्यावी. नंतर आणि सर्वात शेवटी पिवळा तुकडे करून घेतलेला भाग घालावा जेणेकरून तो भाजी मध्ये कुस्करणार नाही.